Ընդհանուր Ակնարկ Մը Պենետիկտոս ԺԶ.ի Քահանայապետութեան Մասին`

Քահանայապետութիւն մը՝ հարուստ եղելութիւններով.
Նորին Սրբութիւնը կատարած է 24 ճամբորդութիւններ, լոյս ընծայած՝ չորս գիրքեր, խորաններու պատւոյն բարձրացուցած՝ 44 սուրբեր, եւ նշանակած՝ 90 կարտինալներ։
Պենետիկտոս ԺԶ Քահանապետը, աւազանի անունով ՝ Ժոզէֆ Ալոզիուս Ռացինկեր, ծնած է 16 ապրիլ 1927-ին, 2005 19 ապրիլէն սկսեալ Հռոմի եպիսկոպոս ընտրուած է ու դարձած՝ կաթողիկէ եկեղեցւոյ 265-րդ Քահանապետը։
Որպէս ընդհանրական եկեղեցւոյ Քահանայապետ, իշխան Վատիկանի պետութեան, Գահերէց եպիսկոպոսը Իտալիոյ եկեղեցւոյ, ան կաթողիկէ եկեղեցւոյ պատմութեան 9-րդ գերմանացի Քահանայապետն է, ի դէպ, 8-րդը եղաւ Ատրիանոս Զ. Պապը ։
11 փետրուար 2013-ի՝ (այս տարի) կարտինալական ժողովին ընթացքին, ան յայտնեց իր կամքը հրաժարելու՝ Հռոմի եպիսկոպոսական աթոռէն, 28 փետրուարի ժամը 20-էն սկսեալ։
Պենետիկտոս ԺԶ եղաւ 8-րդ Քահանապետը որ Ս. Պետրոսի յաջորդի Աթոռէն կը հրաժարի։ Նախապէս այդ Աթոռէն հրաժարած են` Կեղմես, Բոնցիանոս, Սեղբեստրոս, Պենետիկտոս Թ., Գրիգոր Զ., Չելեսդինօ Ե. եւ Գրիգոր ԺԲ քահանայապետները։
Եօթը տարի, տասը ամիս եւ իննը օրերու քահանայապետութեան ընթացքին, Պենետիկտոս ԺԶ Քահանայապետը կատարեց 24 առաքելական ճամբորդութիւններ Իտալիայէն դուրս, այցելելով՝ 24 քաղաքներ։ Այս առաքելական ճամբորդութիւններէն 16-ը տեղի ունեցան եւրոպական հողին վրայ ( երեք անգամ այցելեց Գերմանիա ու Սպանիա) ։ ամերիկեան ցամաքամաս առաքելական ճամբորդութիւն կատարեց երեք անգամ, երեք անգամ Ասիա, երկու անգամ Ափրիկէ եւ մէկ անգամ Ովկեանեան։
Պենետիկտոս Քահանայապետը մասնակցեցաւ երիտասարդներու համաշխարհային հաւաքներուն` Քէոլն՝ 2005-ին, Սիտնի 2008-ին եւ Մատրիտ 2011-ին։
2013-ին նախատեսուած՝ Ռիօ տէ Ժանէյրոյի ժամադրութիւնը, հաւանաբար պատճառներէն մին էր իր հրաժարականը տալու։

Պենետիկտոս ԺԶ.ի Քահանապետական Գլխաւոր Բնագիրները.
Երեք շրջաբերական թուղթեր` ''Աստուած սէր է'' հրատարակուած 25 յունուար 2006-ին, ''Փրկարար յոյսը''` հրապարակուած 30 նոյեմբեր 2007-ին, ''սէրը ճշմարտութեան մէջ'' հրատարակուած 7 յուլիս 2009-ին։ Նոյնպէս Պենետիկտոս ԺԶ Քահանայապետը հրապարակեց յետ սիւնհոդոսական չորս առաքելական յորդորագիրներ` Ս. Հաղորդութեան, Ս. Գիրքի, Ափրիկէի եկեղեցւոյ ու Միջին Արեւելքի եկեղեցւոյ մասին։ Լոյս տեսած՝ Առաքելական Սահամանադրութեաններու գլխաւոր մէկ նիւթը՝ Անկլիգան հաւատացեալներու յարումը կաթողիկէ եկեղեցւոյ նիւթին մասին է։
- Աստուածաբան Քահանայապետը որպէս գրող հանրաճանաչ է. անոր ''Յիսուս Նազովրեցի'' երրեակ հատորները, զանազան լեզուներով տպուած, ու բազմաթիւ միլիոնոններով վաճառուած են։
Իսկ՝ ''Աշխարհի լոյսը'' հարցում-պատասխան հատորին մէջ, գերմանացի լրագրող Բեդեր Սիուալտին հետ, պատասխաններ կու տայ հրատապ հարցերու եւ կը խօսի քահանայապետութենէն հրաժարելու կարելիութեան մասին։
44 սուբեր - Պենետիկտոս ԺԶ Քահանայապետը հռչակեց 44 սուրբեր սրբադասումի 10 արարողութիւններու ընթացքին։ Ամէնքը կատարուեցան Ս. Պետրոս հրապարակի վրայ, բացի եղբայր Անթոնիօ տէ Սանդ Աննայի սրբադասումէն, որ տեղի ունեցաւ Սան Բաուլոյի մէջ, իր Պրազիլ կատարած առաքելական ճամբորդութեան ընթացքին։
Հուսկ Նորին Սրբութիւնը գումարեց 5 կարտինալական ժողովներ, 90 նոր կարտինալներու նշանակումին համար։ Նոյնպէս գումարեց արտակարգ չորս կարտինալան ժողովներ, շօշափելով՝ հետեւեալ նիւթերը. վաստակաւոր եպիսկոպոսներու պայմանը, Ս. Պիոս 10-րդի անուան եղբայրութիւնը, Վատիկանեան Բ Տիեզերական ժողովի ծիսական բարենորոգումը, համամիութենական երկխօսութեան հայող հարցերը, ընտանիքի պաշտպանութիւնը ու երկխօսութիւնը իսլամութեան հետ։
Նշենք որ Պենետիկտոս ԺԶ Քահանայապետը նախքան հեռանալը Վատիկանէն, փետրուար 28-ին, իր վերջին հանդիպումը վերապահած է կարտինալական դասին։ Ասիկա առիթ մըն է կարտինալներուն, ողջունելու Սրբազան Հայրը եւ իր կարգին ինք՝ շնորհակալութիւն յայտնելու իր անմիջական գործակիցներուն եւ խորհրդակիցներուն։ Ապա երեկոյեան ժամը 5-ին ինքնաթիռով պիտի ուղղուի Գասթել Կոնտոլֆօ` քահանայապետական ամարանոցը, ուր պիտի մնայ մինչեւ նոր Քահանապետին ընտրութիւնը։